kjarnafaedi

Ágúst og Elínborg nýsveinar í kjötiðn fá viðukenningu fyrir góðan námsárangur

Thu, 19 Feb 2026 09:33:44 GMT

Ágúst og Elínborg nýsveinar í kjötiðn fá viðukenningu fyrir góðan námsárangur

Nýsveinahátíð Iðnaðarmannafélagsins í Reykjavík var haldin 7. febrúar sl. Þar voru heiðraðir 33 nýsveinar í 21 löggiltri iðngrein fyrir góðan árangur í námi. Meðal þeirra voru tveir nýsveinar frá Kjarnafæði Norðlenska og VMA, þau Ágúst og Elínborg en þau tóku sveinspróf í kjötiðn vorið 2025 og starfa áfram hjá fyrirtækinu. Við óskum þeim innilega til hamingju með árangurinn. Á meðfylgjandi mynd eru f.v. Frú Halla Tómasdóttir forseti Íslands, Eínborg Bessadóttir kjötiðnaðarmaður, Grétar Þór Björnsson kjötiðnaðarmeistari, Ágúst Sigvaldason kjötiðnaðarmaður, Hörður Erlendsson kjötiðnaðarmeistari og Inga Sæland mennta- og barnamálaráðherra. Kjarnfæði Norðlenska leggur áherslu á fagmennsku og gæði í matvælaframleiðslu og við fögnum því að fá þau í hóp kjötiðnaðarmanna hjá fyrirtækinu.

Sígild uppskrift: Saltkjöt og baunir á sprengidaginn

Thu, 12 Feb 2026 15:08:42 GMT

Sígild uppskrift: Saltkjöt og baunir á sprengidaginn

Saltkjöt og baunir, túkall!

Mörgum finnst ómissandi að fá sér saltkjöt og baunir á sprengidaginn en mikla eldamennskuna fyrir sér. Það er alger óþarfi því það er ótrúlega lítið mál, eiginlega matur sem eldar sig sjálfur fyrir utan smá handavinnu við að skera kjötið og grænmetið. Svo er þetta einmitt matur sem er jafnvel betri daginn eftir líkt og íslensk kjötsúpa og því er búið að redda kvöldmatnum fyrir tvo daga!

Uppskriftin er stór en hana má auðveldlega minnka um helming.

Saltkjöt og baunir, túkall!

Uppskrift frá Valgerði Grétu G. Gröndal

Innihald

1,8kg saltkjöt frá Kjarnafæði, ég blandaði saman völdu og annars flokks.
400g gular baunir
3 l. vatn
300g gulrætur
600g rófur
½ blaðlaukur, hvíti hlutinn
1 laukur
4 sneiðar beikon
1 grænmetisteningur
1 lambateningur
1 msk. þurrkuð steinselja
1/2 tsk. hvítur pipar

Byrjið á því að setja baunirnar í bleyti daginn áður. Þá setjið þið þær í skál og fyllið hana af vatni svo það fljóti vel yfir baunirnar. Setjið lok eða plastfilmu yfir og geymið á borði við stofuhita.
Setjið baunirnar í sigti og skolið vel með köldu vatni. Setjið þær í stóran pott og hellið vatninu út í ásamt grænmetis- og lambatening. Hleypið upp suðu og fleytið froðunni af. Látið baunirnar sjóða í 35-40 mín. Ef baunirnar hafa ekki verið látnar í bleyti er passlegt að sjóða þær tvisvar sinnum lengur. Á meðan baunirnar sjóða er gott að undirbúa kjötið og grænmetið.
Takið kjötið úr pakkningunum og skolið vel með köldu vatni. Snyrtið saltkjötið og skerið í litla bita, mér finnst það betra en að hafa stór stykki í súpunni.
Skerið grænmetið og beikonið í litla bita.
Þegar baunirnar hafa soðið í þennan tíma, setjið þá kjötið, grænmetið og beikonið í pottinn ásamt steinselju og pipar. Sjóðið áfram í 30 mínútur, fleytið froðunni af þegar hún byrjar að myndast.
Berið fram með kartöflum ef vill en einnig er hægt að bæta þeim í súpuna.

Aðferð

Steiktar kjötfarsbollur með brúnni sósu

Thu, 12 Feb 2026 13:34:03 GMT

Steiktar kjötfarsbollur með brúnni sósu

Bolla, bolla, bolla!

Á bolludag er gamalgróin hefð að fá sér bollur og helst sem flestar! Hérna erum við þó ekki með rjómabollur heldur ekta gamaldags steiktar kjötfarsbollur sem henta svona ljómandi vel á mánudegi þegar við nennum helst ekki að hafa of mikið fyrir eldamennskunni. Þær koma tilbúnar í poka og það er svo geggjað að henda þeim beint í airfryer.

Það er auðvitað hægt að stytta sér enn frekar leið með því að vera með forsoðnar kartöflur og sósu úr pakka og ekki dæmi ég!

Annars mæli ég sérstaklega með því fyrir minni heimili að skoða úrvalið frá Kjarnafæði af lausfrystum, tilbúnum kjötvörum. Það er mikill kostur að geta tekið bara út úr frysti það magn sem þarf í stað þess að sitja uppi með risa pakkningar sem nýtast illa.

Uppskrift frá Valgerði Grétu G. Gröndal

Innihald

750g Steiktar kjötfarsbollur frá Kjarnafæði
500g kartöflur
Grænar baunir
Rauðkál

Byrjið á því að setja kartöflur í pott og sjóðið þar til þær eru mjúkar í gegn.
Takið bollurnar úr frysti og hitið í airfryer í 15-18 mín við 180°C.
Útbúið sósuna.
Berið kjötfarsbollurnar fram með soðnum kartöflum, grænum baunum, rauðkáli og brúnni sósu.

Aðferð

Brún sósa

1 lítill laukur
1 msk. smjör
1 nautateningur
1 grísateningur
500 ml. vatn
Sósujafnari
Sósulitur
Salt og pipar eftir smekk

Saxið laukinn smátt. Setjið smjör í skaftpott og steikið laukinn upp úr smjörinu þar til hann er orðinn mjúkur.
Bætið vatninu saman við ásamt teningum og hleypið upp suðunni. Leyfið soðinu að sjóða í 2-3 mínútur.
Bætið þá sósulit og sósujafnara saman við, magn af sósujafnara fer eftir því hve þykka þið viljið hafa sósuna.
Smakkið til með salti og pipar.
Bætið rjómanum út í rétt áður en sósan er borin fram.

Aðferð

Sveitabjúgu með uppstúf, kartöflum og grænum baunum

Thu, 12 Feb 2026 13:17:21 GMT

Sveitabjúgu með uppstúf, kartöflum og grænum baunum

Nostalgían mætir hversdagsleikanum

Bjúgu eru svona matur tikkar í mörg box, nostalgían að mæta hversdeginum en samt smá spari því það er eitthvað pínu hátíðlegt við þau þegar þau eru borin fram með jafningi og grænum baunum. Ég ætla ekki að segja jóla… en þið vitið hvað ég á við.

Eldamennskan er einföld – smá kúnst kannski að passa að hún sé kekkjalaus en annars sér þetta um sig sjálft.

Uppskrift frá Valgerði Grétu G. Gröndal

Innihald

4 Sveitabjúgu frá Kjarnafæði
Grænar baunir
Soðnar kartöflur, magn eftir smekk

Setjið bjúgun í pott og látið kalt vatn renna í pottinn þannig að það fljóti vel yfir. Leyfið suðunni að koma upp. Sjóðið í 25 mínútur eftir að suðan kemur upp.
Sjóðið það magn af kartöflum sem þið teljið ykkur þurfa.
Útbúið uppstúfinn á meðan.
Takið bjúgun upp úr pottinum þegar þau eru soðin. Fjarlægið plastið og berið fram með kartöflum, jafningi og grænum baunum.

Aðferð

Uppstúfur

50g smjör
50g hveiti
500 ml. nýmjólk
1 msk. sykur
¼ tsk. múskat
Hvítur pipar og salt eftir smekk

Setjið smjörið í rúmgóðan pott og bræðið við miðlungs hita.
Bætið hveitinu saman við þegar smjörið er bráðið og hrærið rösklega í með písk. Leyfið smjörbollunni að steikjast í smástund áður en smá slettu af mjólk er hellt saman við. Hrærið þá vel og bætið aftur smávegis af mjólkinni saman við.
Haldið áfram að bæta mjólkinni við í smá skömmtum og hrærið vel á milli svo jafningurinn verði kekkjalaus.
Setjið sykur, múskat, hvítan pipar og salt saman við og smakkið til.
Afhýðið kartöflurnar og setjið út í jafninginn.

Aðferð

Saltkjöt og baunir unaðslegur klassíker á sprengidaginn

Thu, 29 Jan 2026 12:51:01 GMT

Saltkjöt og baunir unaðslegur klassíker á sprengidaginn

Seðjandi réttur sem yljar bæði maga og sál.

Saltkjöt og baunir eru óumdeilanlegur klassíker á sprengidaginn og ómissandi fyrir marga. Dagurinn markar síðasta daginn fyrir lönguföstuna og hefðin segir að þá eigi að borða sig vel saddan – helst af saltkjöti, baunum og rótargrænmeti í ríkulegri og bragðmikilli súpu.

Þessi uppskrift er byggð á góðu, íslensku saltkjöti og hægelduðum baunum sem fá að malla lengi með grænmeti, kryddum og beikoni. Útkoman er unaðslega seðjandi réttur sem yljar bæði maga og sál. Fullkomið til að njóta með fjölskyldu og vinum!

Uppskrift frá Gulur Rauður Grænn & Salt

Innihald

1,5 kg saltkjöt frá Kjarnafæði
3 lárviðarlauf
1 tsk svört piparkorn
1 laukur, skorinn í tvennt

Setjið saltkjötið í stóran pott og látið vatn fljóta vel yfir. Hitið að suðu og takið frá alla froðu sem myndast.
Þegar suðan er komin upp lækkið þið hitann og bætið lárviðarlaufum, lauk og piparkornum saman við.
Látið kjötið malla í 2 klst við vægan hita.

Aðferð

Súpa

500 g gular hálfbaunir, látnar liggja í bleyti yfir nótt
300 g gulrætur, skornar í bita
1 blaðlaukur, skorinn í sneiðar
1 laukur, saxaður
200 g beikon, skorið í bita
3 lárviðarlauf
1 msk piparkorn
1 msk timian
1-2 rófur
3-4 kartöflur

Látið baunirnar liggja í bleyti yfir nótt. Skolið vatnið frá og látið baunirnar í stóran pott. Hellið köldu vatni yfir og látið magnið vera tvöfalt á við baunirnar. Hitið við vægan hita og takið alla froðu sem kemur á yfirborðið. Látið malla í klukkustund eða þar til baunirnar eru farnar að maukast
Bætið beikoni, gulrótum, lauk, lárviðarlauf, timian og pipar saman við.
Ausið soði frá saltkjötinu saman við súpuna og smakkið til.
Látið malla í tæpa klukkustund eða þar til grænmetið er farið að mýkjast.
Afhýðið kartöflur og rófur og sjóðið í sér potti.
Berið kjötið fram með súpunni eða skerið í bita og bætið saman við.
Bætið einnig rófum og kartöflum út í súpuna.

Aðferð

Húskarla hangikjötspinni

Tue, 09 Dec 2025 10:04:20 GMT

Kjarnafæði - Húskarla hangikjötspinni

Hátíðarbitinn: hangikjöt, camembert og rifsberjagel

Rifsberjagel, heslihnetur, dill og camembert

Þessir litlu bitar ná alveg að kjarna íslenska jólastemningu. Tvíreykt húskarla-hangikjöt er vafið um mjúkan camembert, ristaðar heslihnetur gefa stökkan og bragðmikinn hjúp og rifsberjagelið setur sætan vetrartón yfir allt saman. Útkoman er smáréttur sem er bæði einfaldur að setja saman og ómótstæðilegur á jólaborðið – réttur sem hentar jafn vel í huggulegt aðventuboð og veglegt jólahlaðborð.

Uppskrift frá Sævari Lárussyni.

Innihald

Tvíreykt húskarla-hangikjöt 1–2 bréf
Camembertostur 1 stk.
Rifsberjagel 1 krukka
Heslihnetur 50 g

Skerið camembertostinn í teningastærðir, ristið heslihneturnar og saxið þær svo niður í mulning.
Vefjið hangikjötssneið yfir camembertbita og stingið kokteilpinna í bitann.
Stráið heslihnetumulningnum vel yfir bitann þannig að það myndist hjúpur á hvern bita.
Toppið hann síðan með rifsberjageli.
Þetta er algjört lostæti fyrir jólaboðið!

Aðferð

Hangikjöts tartar

Tue, 09 Dec 2025 09:55:58 GMT

Kjarnafæði - Hangikjöts tartar

Fullkominn forréttur fyrir sælkera

Tvíreykt húskarla-hangikjöt, rauðrófur, dill, hunangs dijon-sinnep, japanskt mæjó og dill

Uppskrift frá Sævari Lárussyni.

Innihald

Laufabrauð
Tvíreykt húskarla-hangikjöt 2 bréf
Rauðrófa 1 lítil
Hunangs Dijon-sinnep 2 msk.
Japanskt mæjó 5 msk.
Dill 1 lítið búnt saxað
Laufabrauð 1 pakki

Hangikjötið er saxað niður og sett í skál.
Skrælið hýðið af rauðrófunni og rífið hana niður með ömmujárni (stóra kassalaga rifjárnið), grófu hliðinni.
Blandið rauðrófunni við saxaða hangikjötið. Bætið svo við sinnepinu, mæjóinu og dillinu.
Hrærið þessu vel saman og brjótið svo laufabrauðið niður í munnbitastærðir.
Setjið hangikjöts-tartarinn ofan á laufabrauðið.

Aðferð

Bláberjapaté fyrir ostabakkann

Tue, 09 Dec 2025 09:48:59 GMT

Kjarnafæði - Bláberjapaté fyrir ostabakkann

Fullkominn forréttur fyrir sælkera

Bláberjapaté fyrir ostabakkann

Kjarnafæði Bláberjapaté er fullkomið með ostabakkanum. Mjúkt paté með djúpum bláberjabragði sem jafnar seltu ostanna og setur fágaðan, örlítið sætan punkt á hverja bita. Frábært með hörðum jafnt sem mjúkum ostum – fyrir veislur, helgar eða þegar þú vilt gera ostabakkann aðeins betri

Uppskrift frá Sævari Lárussyni.

Innihald

Bláberjapate 1–2 stk.
Camembert 1 stk.
Chilli-sulta 1 krukka

Bláberjapateið er skorið niður í sneiðar sirka 1–2 cm þykkar.
Camembert osturinn er skorinn í sneiðar og þær settar ofan á pateið.
Því næst setjum við vel af chilli-sultunni ofan á.
Frábært að bera fram á ostabakkanum.

Aðferð

Bláberjapate

Tue, 09 Dec 2025 09:20:34 GMT

Kjarnafæði - Bláberjapate

Léttir jólamunnbitar: Hafrabrauð með bláberjapate og bláberjasultu

Bláberjapate, hafrabrauð, bláberjasulta og klettasalat

Uppskrift frá Sævari Lárussyni.

Innihald

Bláberjapate 1–2 stk.
Bláberjasulta 1 krukka
Klettasalat lítill pakki
Hrásykur 2 msk.
Hafrabrauð 1 pakki
Smjör
Dill

Skerið hafrabrauðið niður og smyrjið með smjöri.
Bláberjapateið er skorið í sirka 1–2 cm þykkar sneiðar og sett á hafrabrauðið.
Stráið hrásykri yfir patesneiðina og brennið sykurinn.
Toppið með klettasalati, bláberjasultu og dilltoppum.

Aðferð

Jóla bruchetta

Tue, 09 Dec 2025 09:03:37 GMT

Kjarnafæði - Jóla bruchetta með gröfnu nauti

Hátíðarlostæti: Brioche, grafið naut og rautt pestó

Steikt Brioche-brauð, grafið naut, klettasalat, rautt pestó, rifsber, steikt bláber og hvítlaukssósa

Þessar jóla-bruchettur sameina allt það sem gerir hátíðarborðið sérstaklega girnilegt: steikt Brioche-brauð sem verður gullinbrúnt og smjörkennt, mjúkt grafið naut sem bráðnar í munni og rautt pestó sem gefur lit og djúpt bragð. Steikt bláber og rifsber bæta við sætum tónum á meðan klettasalat og mild hvítlaukssósa skapa jafnvægið. Fullkomnar snittur fyrir jólahlaðborð, aðventuboð eða þegar þú vilt skella í eitthvað sem bæði lítur vel út og bragðast sem algjört lostæti.

Uppskrift frá Sævari Lárussyni.

Innihald

Grafið naut 2 bréf
Brioche-brauð 2 hleifar
Klettasalat 1 pakki
Rautt pestó 1 lítil krukka
Bláber 1 askja
Hvítlaukssósa 1 dós

Brauðið er skorið í fallegar sneiðar á stærð við klassíska snittubita.
Bitarnir eru steiktir á pönnu með vel af smjöri þar til þeir verða gullinbrúnir.
Setið fyrst pestó og svo klettasalat á brauðið.
Skerið bláberin til helminga og steikið á pönnu með smjöri, salti og pipar.
Raðið 1–2 sneiðum af grafna nautinu ofan á klettasalatið.
Toppið með steiktu bláberjunum og hvítlaukssósunni.

Aðferð

Grafið nautafille og Tindur á spjóti

Tue, 09 Dec 2025 08:55:49 GMT

Kjarnafæði - Grafið nautafille og Tindur á spjóti

Lúxus jólamunnbitar með gröfnu nauti og trufflumæjó

Grafið nautafille, osturinn Tindur, trufflumæjó, dill og mulið laufabrauð.

Þessir litlu munnbitar sameina mjúkt grafið naut, ostinn Tind með sinn djúpa karakter og létt trufflumæjó sem lyftir öllu upp á hátíðarstig. Brotið laufabrauð og ferskt dill færa réttinum jólablæ og fallega áferð, og úr verður smáréttur sem er bæði einfaldur að setja saman og hrikalega fallegur á borði. Fullkomið fyrir aðventuboð, jólahlaðborð eða þegar þú vilt bera fram eitthvað sem slær tóninn fyrir hátíðarnar.

Uppskrift frá Sævari Lárussyni.

Innihald

Grafið nautafille, 2 bréf
Tindur 12 mánaða, 1 lítill biti ca. 300 g
Trufflumæjó – blandið japönsku majónesi við truffluolíu og svartan pipar
Dill, saxað
Laufabrauð, mulningur

Skerið ostinn í teninga, vefjið grafna nautinu utan um og stingið kokteilpinna í bitann.
Stráið laufabrauðsmulningi og söxuðu dilli yfir.
Toppið bitana með ögn af trufflumæjói.

Aðferð

Lifrakæfumús og laufabrauð

Mon, 08 Dec 2025 21:22:56 GMT

Kjarnafæði - Lifrakæfumús og laufabrauð

Hátíðlegir munnbitar með lifrarkæfu, bláberjasultu og laufabrauði

Lifrarkæfumús, bláberjasulta, sýrður perlulaukur, bökuð parmaskinka, laufabrauð, dill og sýrð bláber

Þessi lifrarkæfuuppskrift er bæði sérlega falleg á borði og einstaklega jólaleg. Mjúk og ljúffeng lifrarkæfumús er borin fram með sýrðum perlulauk, sýrðum bláberjum og stökkri, bakaðri parmaskinku sem gefur réttinum hátíðlegt jafnvægi. Brotið laufabrauð setur síðan punktinn yfir i-ið og fær allt til að líta út eins og litlu jólin á diski! Réttur sem hentar einstaklega vel á smáréttaborð, jólahlaðborð eða í notalegu aðventuboði þegar þú vilt bera fram eitthvað sem er bæði hefðbundið og nýtt í senn.

Lifrarkæfumúsin er sett í litlar fallega skálar, sýrðum perlulauk og bláberjum er stráð yfir. Stingið stökkri parmaskinku og brotnu laufabrauði í lifrarkæfumúsina. Toppið með bláberjasultu og fallegum dilltoppum.

Uppskrift frá Sævari Lárussyni.

Innihald fyrir lifrakæfumús

Lifrarkæfa 2 rúllur
Rjómaostur með hvítsúkkulaði 3 msk.
Rifsberjasulta eða -gel 3 msk.
Mulinn pipar 1 tsk.

Hér þarf ekki að gera mikið nema hræra öllu vel saman í skál!
Smyrja smjöri á hafrabrauðið og bæta kæfunni ofan á.
Njóta og komast í gott jólasakap.

Aðferð

Innihald fyrir sýrðan perlulauk

Perlulaukur 1 box
Sykur 200 g
Rauðvín 200 ml
Rauðvínsedik 200 ml

setjið sykur, rauðvín og edik í pott og hitið upp að suðu. Hellið þessu svo yfir perlulaukinn sem er búið að pilla.

Aðferð

Innihald fyrir sýrð bláber

Bláber 1 askja
Sykur 200 g
Rauðvín 200 ml
Rauðvínsedik 200 ml
Balsamedik 50 ml
Púðursykur 2 msk.

Setjið allt nema bláber í pott og hitið upp að suðu, hellið edikleginum yfir bláberin.

Aðferð

Innihald fyrir Bakaða parmaskinku

Parma skinka 1 bréf
Smjörpappír 1 til 2 stk

Raðið parmaskinkusneiðum á smjörpappír og bakið svo í 180°C heitum ofni í sirka 12 mínútur þar til sneiðarnar eru orðnar vel stökkar.

Aðferð

Lifrakæfu ,,mini smörre"

Mon, 08 Dec 2025 20:47:24 GMT

Kjarnafæði - Lifrakæfu ,,Mini smörre"

Jól í hverjum bita – lifrarkæfa, beikon & rifsberjagel

Lifrarkæfumús, stökkt beikon, rifsberjagel, villisveppasósa og hafrabrauð

Þessir litlu jólalegu smörre-bitar sameina allt það sem gerir hátíðarmat svo notalegan: mjúka og bragðmikla lifrarkæfumús, stökkar beikonsneiðar, sætsúrt rifsberjagel og bragðmikla villisveppasósu sem umvefur réttinn hlýju. Hafrabrauðið gefur mildan og gómsætan grunn og karamellubrenndur hrásykur setur ofan á það smá jólafíling. Fullkomnir litlir munnbitar fyrir aðventuboðið, jólagleðina eða bara þegar þú vilt lífga upp á skammdegið með hátíðarblæ.

Uppskrift frá Sævari Lárussyni

Innihald fyrir lifrakæfumús

Lifrarkæfa 2 rúllur
Rjómaostur með hvítsúkkulaði 3 msk.
Rifsberjasulta eða -gel 3 msk.
Mulinn pipar 1 tsk.

Hér þarf ekki að gera mikið nema hræra öllu vel saman í skál!
Smyrja smjöri á hafrabrauðið og bæta kæfunni ofan á.
Njóta og komast í gott jólasakap.

Aðferð

VIP ostakartöflur

Mon, 01 Dec 2025 10:17:53 GMT

VIP ostakartöflur

VIP ostakartöflur eru fullkomnar með jólamatnum

Ilmurinn úr eldhúsinu um jólin er einfaldlega miklu betri en aðra mánuði ársins. Þessar VIP ostakartöflur sameina mjúkar kartöflur, rjómakenndan ost og ferskt timían í rétt sem á einstaklega vel við um hátíðarnar, án þess að vera of flókinn. VIP ostakartöflur eru fullkomnar með jólamatnum, eða sem gómsætt meðlæti á aðventunni, og fá okkur öll til að staldra aðeins við og njóta.

Uppskrift frá Gabríel Kristinn Bjarnason.

Innihald

1 kg Gullauga kartöflur, skrældar
1 stk Brie ostur
1 stk Feykir ostur
1 stk Ísbúi ostur
200 g smjör
6 greinar timían
Salt og pipar

Kartöflurnar eru settar í ofnfast mót, best er ef kartöflurnar smellpassa í það.
Osturinn er skorinn í bita ásamt smjörinu og dreift yfir kartöflurnar með timían.
Bakað með álpappír ofan á í rúmar 40 mín. á 180°C, þá er álpappírinn tekinn af í 10 mín. til að brúna ostinn.
Borðað strax á meðan osturinn er bráðinn.

Aðferð

Brandy sveppasósa

Mon, 01 Dec 2025 10:17:36 GMT

Brandy sveppasósa

Sveppasósan lyftir bæði steikinni og kartöflunum upp á æðra stig

Fátt bætir eins miklu við jólamáltíðina og góð sveppasósa, og þessi bragðmikla útgáfa fær svo sannarlega að njóta sín. Brandy sveppasósan er mjúk, ilmandi og full af djúpum vetrarbrag; gerð úr sveppum, rjóma og nægilega miklu brandy til að gefa henni þann hátíðlega blæ sem desember kallar eftir. Hún lyftir bæði steikinni og kartöflunum upp á æðra stig – og fær okkur öll til að biðja um örlítið meira!

Uppskrift frá Gabríel Kristinn Bjarnason.

Innihald

3 stk. skalotlaukur
2 hvítlauksgeirar
500 g tókasveppir (shiitake) eða sveppir að eigin vali
200 ml brandy eða viskí
500 ml rjómi
1 msk. Dijon-sinnep
1 msk. smjör
Salt og pipar

Byrjað er á að saxa niður skalotlauk, hvítlauk og sveppi og steikja saman á sósupönnu.
Brandy er bætt á pönnuna, kveikt í með kveikjara til að losa áfengið og soðið niður um helming.
Rjóma og smjöri bætt við og soðið niður um helming.
Næst er kryddað með Dijon-sinnepi, salti og pipar.

Aðferð

Kryddaður uppstúfur

Mon, 01 Dec 2025 10:17:21 GMT

Kryddaður uppstúfur

Uppstúfur er sósa sem er ómissandi hluti af jólamatnum á hverju ári

Uppstúfur, öðru nafni jafningur, er eitt af því sem fyllir jólaeldhúsið af kunnuglegum og notalegum ilmi. Í þessari útgáfu fær hann mildan kryddkeim af múskati og hvítum pipar, ásamt lauk og lárviðarlaufum sem láta mjólkina draga í sig hátíðlegt bragð áður en henni er blandað við smjörbolluna. Uppstúfur er sósa sem er ómissandi hluti af jólamatnum á hverju ári – mjúkur, hlýr og fullkominn með hangikjötinu og í tartalettur.

Uppskrift frá Gabríel Kristinn Bjarnason.

Innihald

1 stk. laukur
3 stk. lárviðarlauf
10 stk. piparkorn
100 g smjör
100 g hveiti
1 lítri mjólk
Múskat
Hvítur pipar
Salt

Byrjað er á því að sjóða upp mjólk með söxuðum lauk, lárviðarlaufum og piparkornum og henni leyft að standa í sirka klukkustund eftir suðu.
Bræðið smjörið í potti við vægan hita, hrærið hveitinu vel saman við með písk þar til myndast hefur þykk blanda, svokölluð smjörbolla.
Mjólkin er sigtuð og henni hrært saman við smjörbolluna og uppstúfurinn loks kryddaður með múskati,hvítum pipar og salti.

Aðferð

Jólarauðkál

Mon, 01 Dec 2025 10:17:04 GMT

Jólarauðkál

Þetta er réttur sem lætur jólaandann streyma um eldhúsið

Það er erfitt að ímynda sér jólamáltíð án ilmsins af góðu rauðkáli. Þessi uppskrift sameinar sætleika hunangs og púðursykurs, léttan sýrukjarna úr rauðvínsediki og djúpan vetrarkeim frá kanil og stjörnuanís. Eplið mýkir allt saman og gerir rauðkálið bæði ferskt og ríkulegt í bragði. Þetta er réttur sem lætur jólaandann streyma um eldhúsið – einfaldur í framkvæmd, en ómissandi á hátíðarborðinu.

Uppskrift frá Gabríel Kristinn Bjarnason.

Innihald

1 stk. rauðkálshaus
1 stk. grænt epli
2 msk. hunang
2 msk. púðursykur
2 kubbar kjúklingakraftur
500 ml rauðvín
250 ml rauðvínsedik
2 stk. kanilstangir
2 stk. anísstjörnur

Byrjað er á að saxa niður rauðkálið og eplið og setja það síðan í pott með öllu í uppskriftinni.
Soðið vel niður þangað til að það er enginn vökvi eftir.

Aðferð

Marinering fyrir hamborgarhrygg eða svínahrygg í ofni

Mon, 01 Dec 2025 10:16:42 GMT

Kryddaður uppstúfur

Fullkomin leið til að gera jólahrygginn enn hátíðlegri.

Þessi marinering er eins og smá jólakveðja yfir hrygginn – blanda af hunangi, púðursykri og Dijon-sinnepi sem gefur bæði sætleika og mildan kryddkeim. Hún karamellíserast fallega í ofninum og skapar þá gullnu, glansandi hringi sem mörg okkar tengja við jólamáltíðina. Einföld og ótrúlega góð, sérstaklega ef hún er pensluð í lögum og fær að renna vel ofan í skorurnar. Fullkomin leið til að gera jólahrygginn enn hátíðlegri.

Uppskrift frá Gabríel Kristinn Bjarnason.

Innihald

100 g hunang

100 g púðursykur

100 g Dijon-sinnep

1 kubbur kjúklingakraftur

Öllu er blandað vel saman og penslað yfir hrygginn áður en hann fer inn í ofninn, gott er að skera kassamynstur í fituna til að marineringin nái inn í kjötið.
Bakað við 190°C og best er að pensla marineringuna þrisvar sinnum yfir hrygginn á meðan hann er að bakast.

Aðferð

KEA Hamborgarhryggur

Mon, 01 Dec 2025 10:13:15 GMT

KEA Hamborgarhryggur

Einfaldur, öruggur og alltaf jafn vinsæll.

Það er fátt sem kallar fram jólaandann á jafn ljúfan hátt og ilmandi hamborgarhryggur í ofninum. Þessi sígildi hátíðarréttur hefur um áratuga skeið verið sá vinsælasti á borðum landsmanna á aðfangadagskvöld og hjá mörgum byrja jólin ekki fyrr en hryggurinn er kominn í ofninn.

Blanda af kryddum og jólabjór gerir hamborgarhrygginn bæði safaríkan og bragðmikinn með mildri angan af jólum. Karamellíserað yfirborðið gefur hryggnum svo þá gullnu áferð sem flest okkar tengja við jólin. Þetta er réttur sem sameinar alla fjölskylduna við jólaborðið – einfaldur, öruggur og alltaf jafn vinsæll.

Uppskrift frá Gabríel Kristinn Bjarnason.

Innihald

KEA Hamborgarhryggur
1 stk jólabjór
Heil Krydd að eigin vali

Byrja á að setja hryggin í kalt vatn með jóla bjór og kryddum
Sjóða rólega á beininu til að halda safanum í kjötinu, sirka 30-40 min per kíló
Síðan er hann tekin úr vatninu, beinið skorið af
Best er að skera í hrygginn svo marineringin fari inní kjötið.
Baka á 190c og pensla marineringuni aftur á eftir 5-10 min í ofni þangað til að hann lýtur girnilega út, enginn ákveðin tími bara eftir smekk.

Aðferð

KEA Hangilæri

Mon, 01 Dec 2025 10:11:35 GMT

KEA Hangilæri

Þetta er réttur sem krefst ekki mikils umstangs.

Hangilæri er hátíðarréttur sem færir heimilinu ilminn af hefðbundnum íslenskum jólum. Fátt er jafn rótgróin jólahefð og hangikjöt og á flestum heimilum er það órjúfanlegur hluti af jólahaldinu. Með einfaldri, klassískri eldun fær bragðið af kjötinu að njóta sín til fulls.

Þetta er réttur sem krefst ekki mikils umstangs. Vandað hráefni, róleg suða og smá þolinmæði tryggja hangikjöt sem hægt er að bera fram bæði heitt og kalt með hefðbundnu meðlæti – eða nota í tartalettur sem eru fljótlegar og einstaklega ljúffengar.

Uppskrift frá Gabríel Kristinn Bjarnason.

Innihald

KEA hangilæri

Best er að byrja sjóða í köldu vatni til að ná sem mestu salti úr kjötinu.
Sjóða í 30 min per kílo með loki
Leyfa síðan lærinu að kólna í vatninu áður en skorið er.

Aðferð

KEA Reyktur lambahryggur

Mon, 01 Dec 2025 10:09:41 GMT

KEA reyktur lambahryggur

hátíðarréttur sem á svo sannarlega skilið að skipa fastan sess á jólaborðinu ár eftir ár.

Reyktur lambahryggur er réttur sem fellur fullkomlega að íslenskum matarhefðum á jólum. Djúpt reykt bragðið, mjúka áferðin og ilmandi fitan gera hann að glæsilegri hátíðarmáltíð sem þarf lítið til að njóta sín. Þessi réttur slær alltaf í gegn – einfaldur í undirbúningi en algjört lostæti.

Með því að skera ferhyrninga í fituna og láta hrygginn steikjast rólega í ofninum verður kjötið jafnt eldað, safaríkt og einstaklega mjúkt. Útkoman er bæði glæsileg á borði og sígild á bragðið – hátíðarréttur sem á svo sannarlega skilið að skipa fastan sess á jólaborðinu ár eftir ár.

Uppskrift frá Gabríel Kristinn Bjarnason.

Innihald

KEA reyktur lambahryggur

Hér þarf ekki að gera mikið nema skera ferhyrninga í fituna til að hún eldist jafnt
Baka í ofninum á 180c í sirka 40 min fer eftir stærð
Gott er að nota hitamæli og taka hryggin úr ofninum þegar hitinn við bein er um 58c
Lamba fillet-ið verkað af hrygg og borið fram

Aðferð

Sígilt vínarsnitsel á met tíma

Thu, 06 Nov 2025 10:53:29 GMT

Sígilt vínarsnitsel á met tíma

Tekur enga stund og krakkarnir elska þetta!

Í miðri vinnuviku er það vel þegið að þurfa ekki að hafa mikið fyrir kvöldmatnum. Úlfatíminn, heimalestur og þvottafjallið sem bíður er ekki beint hvetjandi fyrir mjög tímafrekan og metnaðarfullan kvöldverð fyrir fjölskylduna. Ég verð þá að benda á þessa snilld sem vínarsnitselið frá Kjarnafæði er. Ein pakkning hentar fullkomlega fyrir fjóra og það tekur enga stund að matreiða sneiðarnar. Ég steikti þær á pönnu upp úr smjöri og smávegis olíu upp á gamla mátann en það er ekkert mál að skella þeim í airfryer líka. Það er einhver dásamleg nostalgía falin í svona vínarsnitseli í raspi og krakkanir mínir elska þetta jafn mikið og við fullorðnu.

Uppskrift frá Völlu Gröndal

Innihald

1 pakkning Vínarsnitsel frá Kjarnafæði, um 800g.
Salt og svartur pipar
50g smjör
50g jurtaolía
500g kartöflur, soðnar
1 sítróna, skorin í báta
Rauðkál
Brún sósa, úr pakka!
50ml. rjómi eða mjólk (má sleppa)
Fersk steinselja (má sleppa)

Takið pokann með snitselinu úr frysti með góðum fyrirvara.
Sjóðið kartöflurnar. Setjið kartöflurnar í pott og látið vatn fljóta yfir þær. Saltið ríflega. Látið suðuna koma upp og lækkið þá hitann. Sjóðið í ca. 20 mín í viðbót eða þar til kartöflurnar eru soðnar í gegn.
Setjið smjörklípu og 1 msk. af olíu á pönnu og hitið saman, þegar blandan er farin að freyða og pannan orðin vel heit, setjið þá snitsel á pönnuna, eins og kemst fyrir á henni. Saltið aðeins og piprið. Það má jafnvel sleppa því en ég þarf alltaf að salta og pipra allt sem ég kem nálægt.
Steikið í 2-3 mín. og snúið þá sneiðunum við. Steikið áfram í 3-4 mín. Sneiðarnar eru frekar þunnar svo ekki þarf að steikja þær lengi. Endurtakið þetta þar til allt snitselið hefur verið steikt. Ég geymi tilbúnar sneiðar á diski við pönnuna og set svo allar sneiðarnar á hana í lokin.
Skellið í brúna pakkasósu. Já stundum þarf bara smá aðstoð við að einfalda sér lífið. Útbúið sósuna samkvæmt leiðbeiningum og bætið við kryddum eða krafti ef ykkur finnst þess þurfa. Setjið rjómann saman við í lokin en því má alveg sleppa.
Berið snitselið fram með soðnum kartöflum, brúnni sósu og rauðkáli. Já, líka tilbúnu!

Aðferð

Íslenskt aðalbláberjalamb með rauðvíns bláberjasósu

Mon, 13 Oct 2025 13:22:43 GMT

Íslenskt aðalbláberjalamb með rauðvíns bláberjasósu

Það gerist ekki íslenskara en lambakjöt og aðalbláber á köldum haustdegi.

Það er fátt íslenskara en lambakjöt og aðalbláber. Og hvað er eiginlega betra á köldum haustdegi en fullkomlega matreitt lambalæri í aðalbláberjamarineringu og smávegis rautt í glasi? Fátt ef þú spyrð mig. Rauðvíns-bláberjasósan er framúrskarandi með lambinu og ég hafði einungis einfalt ferskt salat með og rifinn parmesan ost með. Það er þó ekkert því til fyrirstöðu að bæta við meðlæti eftir smekk. Nýjar kartöflur og grænar baunir eru áreiðanlega ljómandi með líka. Lærið er hálfúrbeinað og nýtist því mjög vel, ég myndi á ætla að það myndi duga fyrir 5-6 vel svanga einstaklinga.

Uppskrift frá Valla Gröndal

Innihald

1 stk. Íslenskt aðalbláberjalamb, um 2kg.
Salt og pipar
Ferskt salat
Parmesanostur í bitum

Takið lærið úr kæli með góðum fyrirvara.
Hitið ofninn í 180°C með blæstri.
Setjið lærið í ofnpott eða eldfast mót. Saltið og piprið.
Steikið lærið í ofninum án þess að hylja það. Notið kjöthitamæli til þess að steikingin verði sem best. Mér finnst gott að taka lærið út þegar það nær 62°C í kjarnhita. Hitinn hækkar þegar það fær að hvíla en ég leyfi því að standa í 15-20 mínútur áður en ég ber það fram. Með þessari aðferð verður lærið stökkt að utan en lungamjúkt að innan.
Útbúið sósuna þegar um það bil hálftími er eftir af eldunartíma lærisins.
Ég bar lærið fram með fersku salati og sósunni en það er auðvitað margt meðlæti sem gæti passað vel við gómsætt lambalærið.

Aðferð

Rauðvíns-bláberjasósa

400ml bragðmikið lambasoð
100ml rauðvín
140g frosin bláber
Lambakraftur eftir smekk
2 msk. bláberjasulta
1 msk. Worcestershire sósa
1 tsk. hunang
2 tsk. sojasósa
Salt og pipar eftir smekk
3 msk. brúnn sósujafnari
30g kalt smjör.

Setjið soð í pott og hitið að suðu. Ef þið eigið ekki soð er gott að nota vatn og lambakraft. Ég nota ca. 2 teninga á móti 400ml. en það er best að smakka soðið til, ef til vill gæti þurft meiri kraft.
Bætið rauðvíni og bláberjum út í soðið og látið suðuna koma upp. Leyfið þessu að sjóða saman í 10 mínútur.
Takið töfrasprota og maukið berin vel í soðinu. Smakkið til og bætið lambakrafti við ef þarf.
Setjið sultu, worcestershire sósu, hunang og sojasósu saman við og smakkið til með salti og pipar.
Setjið sósujafnarann út í og leyfið að malla í svolitla stund áður en slökkt er undir sósunni og smjöri hrært saman við.

Aðferð

Sænskar kjötbollur með heimagerðri kartöflumús og rjómasósu

Thu, 18 Sep 2025 10:14:34 GMT

Sænskar kjötbollur með heimagerðri kartöflumús og rjómasósu

Góður heimilsmatur klikkar ekki

Ef þig langar í góðan heimilismat en ert ekki alveg í stuði til þess að gera allt frá grunni þá eru sænsku kjötbollurnar frá Kjarnafæði algerlega fullkomnar. Vissulega væri hægt að fara alla leið og grípa með sér tilbúna sósu og kartöflumús en núna langaði mig bara að stytta mér hálfa leið. Heimagerða kartöflumúsin er bara svo miklu betri en þessi úr pakka. Ég gerði svo sósuna beint á pönnunni sem ég hafði brúnað tilbúnar bollurnar á. Það gefur svo ótrúlega gott bragð.

Þetta er ekta kvöldmatur til að græja þegar við komum þreytt heim úr vinnunni og það er rigning og rok og krakkarnir eiga eftir að lesa og fara í bað og… þið skiljið! Njótið vel.

Innihald

1 poki Sænskar kjötbollur frá Kjarnafæði
30g smjör
1 nautateningur
1 svínateningur
400ml vatn
Sósujafnari
Smá sósulitur, má sleppa
1 dl. rjómi
Salt og pipar
1 tsk. rifsberjagel

Takið kjötbollurnar úr frysti með góðum fyrirvara, þær þurfa ekki að vera alveg þiðnar en best er að þær hafi náð að þiðna að einhverju marki.
Sjóðið kartöflurnar þar til þær eru mjúkar í gegn. Á meðan þær sjóða græjið þið kjötbollurnar og sósuna.
Setjið smjörið á pönnu og stillið á meðalhita. Setjið kjötbollurnar út á pönnuna og steikið á báðum hliðum þar til góð stökk húð hefur myndast á þær.
Takið bollurnar af pönnunni og setjið þær í skál á meðan sósan er gerð.
Hellið vatninu ásamt teningum út á pönnuna og hækkið hitann. Leyfið suðunni að koma upp, skafið upp botninn á pönnunni og hrærið vel. Leyfið soðinu að malla í 5 mín.
Þykkið með sósujafnara, magn fer eftir því hversu þykka þið viljið hafa sósuna.
Bætið við sultunni, rjómanum og smakkið til með salti og pipar. Leyfið sósunni að malla í nokkrar mínútur á pönnunni áður en þið setjið kjötbollurnar aftur út á pönnuna.
Snúið ykkur að kartöflumúsinni.
Berið bollurnar fram með kartöflumúsinni og góðri sultu.

Aðferð

Kartöflumús

1 kg af kartöflum
25g smjör
2 msk. sykur
½ - 1 dl. nýmjólk, jafnvel meira ef þið viljið hafa hana þynnri
Salt og pipar eftir smekk

Sjóðið kartöflurnar þar til þær eru mjúkar í gegn.
Hellið vatninu af kartöflunum og flysjið þær undir kaldri vatnsbunu. Setjið skrældar kartöflurnar aftur í pottinn.
Setjið pottinn á hellu og kveikið undir, stillið á meðal hita. Setjið smjörið og sykurinn á kartöflurnar. Setjið örlítið salt og pipar.
Byrjið á því að stappa kartöflurnar í pottinum með kartöflustappara. Hellið meiri mjólk út á ef þarf og smakkið til. Ég vil hafa mína frekar sæta en þið getið minnkað sykurmagnið ef þið viljið og bætt við meiru af salti og jafnvel öðrum kryddum ef vill.
Það er einnig vel hægt að setja kartöflurnar í skál og nota handþeytara í verkið, mér finnst bara persónulega betra að gera hana í potti og hafa hana aðeins heitari.

Aðferð

Lambafille black garlic með kryddjurtasmjöri og hunangsbökuðu rótargrænmeti

Thu, 18 Sep 2025 10:00:20 GMT

Lambafille black garlic með kryddjurtasmjöri og hunangsbökuðu rótargrænmeti

Ótrúlega einfalt en fágað!

Þegar ég vil gera vel við okkur hjónin kaupi ég eitthvað gott kjöt sem ég annað hvort grilla eða græja í ofninum, það fer svolítið eftir veðrinu hvort ég geri. Mig langaði að prófa lambafille í black garlic kryddlegi frá Kjarnafæði og ákvað að hvíla grillið í þetta sinn og gera aðeins öðruvísi meðlæti. Ég bakaði rótargrænmeti í hunangslegi sem kom ótrúlega vel út. Ég ákvað einnig að prófa að sleppa hefðbundinni sósu og vera með kryddjurtasmjör í staðinn. Þvílíkt sælgæti, þessi máltíð verður lengi í minnum höfð. Ótrúlega einfalt en fágað – sætan frá grænmetinu passaði sérlega vel með kryddinu af kjötinu og kryddsmjörið tengdi svo allt saman.

Innihald

Lambafille í black garlic kryddlegi frá Kjarnafæði

Byrjið á því að taka kjötið úr kæli og leyfið því að bíða í allavega 30 mín.
Útbúið því næst kryddjurtasmjörið og setjið í kæli.
Hitið ofninn í 200°C og snúið ykkur að hunangsbakaða rótargrænmetinu.
Færið kjötið á bretti og saltið örlítið og piprið létt yfir. Skerið aðeins í fitulagið svo það verpist ekki þegar það er grillað.
Hitið grillið í góða stund, gott er að hafa það í ca. 250°C.
Byrjið á því að grilla kjötið með fitu hliðina niður. Þegar puran er orðin vel grilluð og stökk, snúið þá kjötinu við og grillið áfram þar til það nær um 55°C í kjarnhita.
Takið þá kjötið af grillinu og leyfið því að hvíla í 10 mín.
Berið það fram með grænmetinu og kryddsmjörinu

Aðferð

Kryddjurtasmjör

100g smjör
1 hvítlauksrif, marið
2 msk. söxuð fersk steinselja
2 msk. saxað ferskt kóríander
Flögusalt og svartur pipar

Bræðið saman smjörið og kryddið. Setjið kryddsmjörið svo í skál og geymið í kæli þar til það á að bera það fram.

Aðferð

Hunangsbakað rótargrænmeti

1 poki regnbogagulrætur
½ stór sæt kartafla
50 g smjör
40 g hunang
1 tsk. hvítlauksduft
2 tsk. þurrkuð steinselja
Flögusalt og svartur pipar

Hitið ofninn í 200°C. Skolið gulræturnar vel og þerrið.
Skerið gulræturnar og sætu kartöflurnar langsum í bita og setjið í skál.
Bræðið saman smjör og hunang í litlum potti og bætið kryddum saman við. Hellið yfir gulræturnar og sætu kartöflurnar og veltið. Færið grænmetið yfir í eldfast mót og bakið í 25-30 mín.

Aðferð

Lambakótilettur í raspi upp á gamla mátann

Thu, 11 Sep 2025 15:13:07 GMT

Lambakótilettur í raspi upp á gamla mátann

Alveg eins og í gamla daga!

Það er eitthvað alveg ómótstæðilegt við gamaldags íslenskar lambakótilettur, hjúpaðar stökku raspi og steiktar þar til þær verða gullinbrúnar. Þennan rétt tengja margir við sunnudagsmáltíðir barnæskunnar – sígilt dæmi um mat sem nærir líkamann á sama tíma og hann yljar sálinni með góðum minningum.

Það sem gerir þetta enn betra er hversu einfalt og fljótlegt það er að reiða fram þessa dásamlegu máltíð. Þar sem kótiletturnar koma tilbúnar í raspi þá þurfti ég lítið annað að gera en að græja meðlætið. Ég ákvað að hafa það alveg eins og í gamla daga, nýjar smjörsteiktar kartöflur, grænar baunir, rauðkál, brún sósa og heimagerð rabarbarasulta. Og þar með flaug ég fjörutíu ár aftur í tímann!

Innihald

1kg lambakótilettur í raspi frá Kjarnafæði
Salt og pipar
50g smjör
2 msk. olía
Nýjar íslenskar kartöflur, magn eftir smekk
1 msk. smjör
Söxuð fersk steinselja
Sjávarsalt
Rauðkál
Grænar baunir
Rabarbarasulta
Brún sósa (uppskrift fylgir ef þið viljið gera sósu frá grunni)

Þar sem kótiletturnar koma frosnar er gott að þýða þær rólega upp í kæli daginn áður en á að elda þær.
Byrjið svo á því að setja kartöflur í pott og kveikja undir.
Hitið ofninn í 145°C með blæstri og takið fram steikarpönnu.
Setjið 25g af smjöri og 1 msk. af olíu á pönnuna og hitið hana upp í rúmlega meðalhita. Setjið helminginn af kótilettunum á pönnuna og steikið þar til þær eru orðnar stökkar og gylltar. Snúið þeim við og steikið áfram. Þegar þær eru steiktar báðu megin, takið þær af pönnunni og setjið í eldfast mót eða á ofnplötu.
Endurtakið með restina af kótilettunum.
Setjið eldfasta mótið eða ofnplötuna með kótilettunum í ofninn og steikið áfram í 25 mín.
Á meðan kótiletturnar eru í ofninum er sósan gerð. Það er auðvitað lítið mál að stytta sér leið og nota pakkasósu en það er annars lítið mál að gera brúna sósu frá grunni.
Setjið baunir, sultu og rauðkál í skálar og leggið á borð.
Þegar kartöflurnar eru soðnar er gott að skræla þær áður en þær eru steiktar en þess þarf ekki ef þær eru alveg nýjar.
Hitið smjör á pönnu og veltið kartöflunum upp úr smjörinu, stráið sjávarsalti og ferskri steinselju yfir.
Takið þá kótiletturnar út ofninum og færið upp á fat. Berið fram með kartöflunum, brúnni sósu, grænum baunum, rauðkáli og rabarbarasultu.

Aðferð

Einföld brún sósa

½ laukur saxaður
1 msk. smjör
4 dl. vatn
1 lambateningur (jafnvel 2 ef þið viljið meira bragð af sósunni)
Sletta af sojasósu
½ tsk. timían
Salt & pipar
1 dl. rjómi
Sósujafnari
Sósulitur ef vill

Saxið laukinn og setjið smjör í pott og kveikið undir.
Steikið laukinn þar til hann verður glær.
Setjið þá vatnið út í ásamt lambatening, smá sojasósu og timían
Leyfið suðunni að koma upp og smakkið soðið til með salti og pipar.
Bætið sósujafnara út í til að þykkja sósuna, magn fer eiginlega eftir því hversu þykka þið viljið hafa hana. Setjið þá örlítið af sósulit út í og hrærið.
Setjið rjómann út í að síðustu og berið fram með kótilettunum.

Aðferð

Grilluð St. Louis BBQ grísarif með frönskum og maís

Tue, 01 Jul 2025 11:17:36 GMT

Grilluð St. Louis BBQ grísarif með frönskum og maís

Máltíðirnar verða ekki einfaldari en þessi!

Erum við ekki alltaf að leita að einhverju fljótlegu á grillið? Máltíðirnar verða ekki einfaldari en þessi! Brjálæðislega góð bbq grísarif sem eru forsoðin og maríneruð í St. Louis bbq sósu sem borin eru fram með stálheiðarlegum frönskum og maís eru þá algerlega það sem þú þarft. Eldamennskan tekur varla meira en 15 mínútur og útkoman jafnast á við máltíð af besta steikhúsi.

Innihald

1 pakkning St. Louis BBQ grísarif frá Kjarnafæði
4 stk. hálfir maísstönglar
Smjör og sjávarsalt
Franskar, tegund eftir smekk
Bbq sósa, aukalega ef vill

Byrjið á því að kveikja á grillinu, náið því upp í að minnsta kosti 200°C.
Takið rifin úr pakkningunni og setjið á bakka. Hellið bbq sósunni sem verður eftir í pokanum í skál, geymið til að pensla rifin á grillinu.
Ef þið kaupið maísstönglana frosna er gott að taka þá úr frysti um leið og grillið er hitað.
Færið bakkann með rifjunum að grillinu ásamt maísstönglunum og bbq sósunni.
Nú væri snjallt að hita ofninn eða airfryerinn og hita franskarnar.
Setjið rifin og maísinn á grillið. Penslið rifin með bbq sósu og lokið grillinu. Hafið grillið lokað á meðan rifin eru grilluð. Grillið í ca. 5 mín, snúið þá rifjunum við og penslið aftur með sósunni. Snúið maísstönglunum á sama tíma. Lækkið aðeins hitann og grillið áfram í 5 mín.
Rifin eru tilbúin þegar sósan er farin að dökkna á endunum og rifin vel heit í gegn. Athugið að þau eru soðin svo þið eruð í raun bara að hita þau upp.
Hendið restinni af bbq sósunni sem var í pokanum þar sem ekki er óhætt að borða hana hráa. Ef þið viljið dýfa rifjunum í bbq sósu þegar þið borðið þau er best að vera með aðra sósu við höndina.
Berið fram með frönskunum og maísstönglunum sem stórkostlegt er að smyrja með smjöri og strá sjávarsalti yfir. Það er svo alls ekki verra að drekka ískaldan bjór með.

Aðferð

Kjarnafæði bátar með fersku grænmeti og áleggi

Tue, 01 Jul 2025 11:13:26 GMT

Kjarnafæði bátar með fersku grænmeti og áleggi

Ef þú ert aðdáandi heimagerðra samloka þá er þessi uppskrift eitthvað fyrir þig!

Heimagert brauð sem eru ótrúlega mjúk og djúsí, fyllt með úrvali af Kjarnafæðis áleggi, fersku grænmeti og sósu. Erum við ekki alltaf að reyna að elda meira heima, fara sjaldnar á skyndibitastaði og spara svolítið? Það er alltaf gaman að finna uppskriftir sem koma í staðinn fyrir að rjúka út og kaupa skyndibita. Vissulega þarf að baka þessi brauð en það góða er að þau frystast afskaplega vel. Þá er um að gera að margfalda uppskriftina og eiga þau til.

Innihald

1 heimabakað brauð – uppskrift fylgir
3 stk. skinka í sneiðum frá Kjarnafæði
4 stk. spægipylsa í sneiðum frá Kjarnafæði
8 stk. pepperóní sneiðar frá Kjarnafæði
4 stk. kjúklingaskinka í sneiðum frá Kjarnafæði
5 tómatsneiðar
Saxað iceberg salat
Græn paprika í sneiðum
Svartar ólífur, í sneiðum
Gult sinnep & létt majónes, magn eftir smekk
Salt og pipar ef vill

Skerið brauðið langsum og opnið það vel.
Raðið kjötáleggi eftir smekk á brauðið, því næst tómatsneiðum, papriku, iceberg og ólífum.
Sprautið sósunum yfir grænmetið, stráið salti og pipar yfir ef þið viljið og lokið svo samlokunni.
Skerið í tvennt og njótið!

Aðferð

Innihald: Brauð

350ml vatn, um 37°C heitt
3 tsk þurrger
2 1/2 tsk sykur
1 1/2 tsk himalaya salt eða fínmalað sjávarsalt
3 msk olía
475g brauðhveiti+ meira ef deigið er of blautt.
1-2 tsk smjör

Setjið þurrefnin saman í hrærivélaskál og velgið vatnið í litlum potti eða í örbylgjuofni.
Setjið krókinn á hrærivélina og hrærið aðeins upp í þurrefnunum áður en þið hellið vatninu rólega saman við á meðan hrærivélin vinnur á hægum hraða.
Bætið olíunni út í strax á eftir vatninu.
Leyfið vélinni að vinna rólega þar til deigið er komið saman. Það á að vera þannig að það klessist ekki við skálina en samt mjúkt og teygjanlegt.
Ef deigið er of blautt setjið þá 1 msk. af hveiti út í í einu þar til deigið hættir að festast við skálina en er samt vel rakt. Ef hinsvegar deigið er of þurrt má bæta örlitlu vatni saman við. Hnoðið í hrærivélinni í 5-7 mín.
Takið deigið úr skálinni og hnoðið það aðeins í höndunum, mótið kúlu og setjið aftur í skálina. Hefið á borði í 45 mín.
Vigtið deigið og fáið út heildarþyngd. Deilið deiginu í 4 jafna hluta.
Takið einn hluta af deiginu og rúllið út í ferhyrning sem er um 20x20cm. Rúllið því upp eins og ef þetta væri kanilsnúðadeig. Rúllið þá deiginu aðeins fram og aftur þar til saumurinn er alveg fastur og klípið deigið saman í endunum. Þá ætti deigrúllan að ná ca. 24cm.
Endurtakið með hinar kúlurnar og gott að hafa þær sem jafnastar útlits. Þá er gott að horfa á fyrstu deigrúlluna og hafa hana til hliðsjónar.
Leggið rúllurnar eða deiglengjurnar á bökunarplötuna. Mér finnst gott ef þær snertast þegar þær hefast og bakast en það er líka gott að hafa gott bil á milli, bæði betra! Ef þið setjið 4 rúllur á plötu munu þær snertast svo kannski er gott að miða við tvær og tvær á plötu ef þið viljið það síður.
Stillið ofninn í 40°C undir og yfirhita. Úðið vel af vatni yfir deigið og inn í ofninn. Hefið í ofninum í 40 mín eða þar til brauðin eru orðin loftmikil og bústin.
Takið brauðin út úr ofninum og hitið ofninn í 190°C undir og yfirhita. Setjið lítið form með vatni á ofngrind svo það myndist gufa í ofninum.
Úðið brauðin með vatni og setjið þau í ofninn. Eftir 10 mín takið þið út vatnið og bakið áfram í 10-12 mín.
Takið brauðin út og penslið örlitlu smjöri yfir þau. Færið þau á grind og leggið hreint viskastykki yfir þau. Leyfið þeim að kólna og fyllið síðan með áleggi og grænmeti.

Aðferð

Grilluð trufflu & black garlic nautalund með bakaðri kartöflu, grilluðum aspas og grænpiparsósu

Sun, 29 Jun 2025 09:46:32 GMT

Grilluð trufflu & black garlic nautalund með bakaðri kartöflu, grilluðum aspas og grænpiparsósu

Þessi máltíð var því algerlega á pari við þær sem þú færð á bestu steikhúsunum

Nautalundir eru svo sannarlega „geitin“ þegar kemur að kjöti á grillið. Þið fáið ekki meyrara og betra kjöt! Og svo þegar þær eru látnar liggja í trufflu og black garlic kryddlegi er ekkert sem skákar þeim. Meðlætið þarf ekki að vera flókið en samt fannst mér það þurfa að vera í smá lúxusgír líka. Ég útbjó trufflusmjör sem ég setti í kartöflurnar og nýtti svo restina af maríneringunni í rjómalöguðu grænpiparsósuna sem færði hana algerlega upp á næsta stig. Grillaður, ferskur aspas gerir allt betra og ákvað því að hafa hann líka með. Þessi máltíð var því algerlega á pari við þær sem þú færð á bestu steikhúsunum.

Innihald

2 stk. 200g nautasteikur í trufflu og black garlic maríneringu frá Kjarnafæði
Grænpiparsósa, uppskrift fylgir
2 bökunarkartöflur
Trufflusmjör, uppskrift fylgir
½ búnt af ferskum aspas
1 msk. ólífuolía
Sjávarsalt

Hitið ofninn í 200°C blástur. Takið steikurnar úr kæli og leyfið þeim að hvíla á borði.
Setjið kartöflurnar í álpappír og bakið þær í ofninum í 1 klst.
Útbúið trufflusmjörið og setjið til hliðar.
Hitið grillið upp í 250°C, takið steikurnar úr umbúðunum og færið á disk. Geymið umbúðirnar með maríneringunni (sjá uppskrift af sósunni).
Setjið aspasinn á disk og penslið með ólífuolíu. Stráið sjávarsalti yfir.
Hafið lágan hita á einum brennara og setjið kartöflurnar þar yfir. Ég mæli með því að fullelda þær í ofni en svo er mjög gott að klára að elda þær á grillinu.
Grillið steikurnar í 3-4 mín á hvorri hlið eða þangað til kjarnhiti nær 54 – 57°C – leyfið þeim svo að hvíla í ca. 10 mín.
Á meðan steikurnar jafna sig er aspasinn grillaður, hann er tilbúinn þegar hann er farinn að taka lit og aðeins farinn að mýkjast.
Berið steikurnar fram með grilluðum kartöflum og trufflusmjöri, aspasnum og grænpiparsósunni.

Aðferð

Innihald: Trufflusmjör

50g smjör, mjúkt
1 tsk. truffluolía
Örlítið sjávarsalt
1 tsk. söxuð fersk steinselja

Hrærið öllu saman og berið fram með kartöflunum.

Aðferð

Innihald: Grænpiparsósa

1 msk. græn piparkorn + örlítið vatn
1 dl. vatn blandað maríneringunni af kjötinu
1 teningur sveppakraftur
1 tsk. nautakraftur
2 dl. vatn
1 tsk. balsamedik
2 tsk. sojasósa
1 tsk. hunang
Sósujafnari
1 dl. rjómi
Salt og pipar ef vill

Byrjið á því að setja piparkornin í skál og setjið smá vatn yfir. Setjið til hliðar.
Takið steikurnar úr umbúðunum og leggið á disk. Setjið 1 dl. af vatni í umbúðirnar og hristið saman og setjið í skál. Skafið aðeins af kryddinu með sleikju ef eitthvað er eftir og setjið út í vatnið.
Hellið vatninu með maríneringunni í pott og hitið að suðu, bætið þá sveppateningi og nautakraft út í og hrærið þar til krafturinn er uppleystur. Bætið þá 2 dl. af vatni saman við ásamt grænu piparkornunum (skiljið vatnið af þeim samt eftir) balsamediki, sojasósu og hunangi. Sjóðið niður um 1/3.
Þykkið sósuna með sósujafnara og bætið rjómanum út í. Leyfið sósunni að malla á lágum hita á meðan kjötið jafnar sig.

Aðferð

Íslenskt heiðalamb - Hefðbundin veisla með nútímalegu ívafi

Sat, 21 Jun 2025 09:58:31 GMT

Íslenskt heiðalamb: Hefðbundin veisla með nútímalegu ívafi

Fullkominn réttur fyrir veisluhöld

Þessi hátíðlega uppskrift að íslensku heiðalambi frá Kjarnafæði sameinar hefðbundna íslenska matargerð við nýstárlegar útfærslur. Lambakjötið er borið fram með ljúffengri foyot-sósu, stökkum „roasties“ kartöflum, sveppa- og laukasalati ásamt steiktu brokkólíní og blaðkáli með ostinum Feyki. Fullkominn réttur fyrir veisluhöld!

Innihald: Heiðalamb

1stk Lambalæri frá kjarnafæði
4 stk Greinar rósmarín
10 stk greinar Timian
5 msk borð edik
5 msk olía
2 stk Gulur laukur

Byrjað er á að hita ofn í 220c.
Laukurinn er skorinn hringi og lagt í steikingarfat og kryddað með salti.
Lamb er lagt ofan á laukinn og síðan kryddað með olíu, edi, salt og pipar
Sett inn í ofn á 220 c í 30 min, síðan er lækkað ofninn í 150c og leyft að dóla í 1 klst í viðbót.
Mikilvægt er að leyfa hvíla í allavega 20 min áður en er skorið.

Aðferð

Innihald: Foyot sósa

300g Brætt smjör
1 stk Egg
1 stk Eggjarauða
1stk Shallot laukur
5stk stilkar af estragon
200g Hvítvínsedik
10stk Piparkorn
2 stk Rósmarín greinar
½ Msk dijon sinnep
1 Msk Saxað estragon
1 msk Nautasoð kraftur í vökvaformi
Salt og pipar

Byrja á að búa til essens, þá seturu hvítvíns edik, saxaðan shallot, estragon stilkar,pipar og rósmarín, sjóða niður um helming og svo sigta.
Smjörið er brætt og á meðan eru eggin pískuð yfir vatnsbaði með salti, dijon og edik essens þangað til eggin líta út eins og tilbúinn bernaise, passa þarf að ofnelda ekki.
Smjörið er helt hægt yfir egginn og pískað vel á meðan og svo krydda með soð kraftinum og salt og pipar
“Roasties” kartöflur
6 stk Kartöflur
500g Repjuolía
2 stk hveitlauksgeirar
2 msk saxaður graslaukur
Salt

Aðferð

Innihald: “Roasties” kartöflur

6 stk Kartöflur
500g Repjuolía
2 stk hveitlauksgeirar
2 msk saxaður graslaukur
Salt

Byrjað er að afhýða kartöflurnar og skera hverja kartöflu í 6 bita.
Síðan soðið í saltvatni þangað til eldaðar í gegn, vatnið er sigtað frá og leyft kartöflunum að hvíla í 10 mín í pottinum. Svo eru kartöflurnar hristar þangað til að utanverð húðin verði hrúf.
Best er að leyfa kartöflunum að þorna yfirnótt.
Í ofnfast form er olíunni bætt við og sett inn í ofn á 190c, þegar olían er orðin heit þá eru kartöflunum bætt við og sett inn í ofn, passa að snúa kartöflunum á 10 min fresti þangað til crispy.
Í lokin er saxaður hvítlaukur og graslaukur bætt við og klárað með salti

Aðferð

Innihald: Sveppi og confit lauk salat

2 Pakkar shitake sveppir
1 Pakki enoki sveppir
2 msk smjör
Allur laukurinn sem var eldaður með lambinu

Sveppir eru steiktir á pönnu með smjöri þangað til gullnin brúnir, síðan er laukinum bætt við og borið fram.

Aðferð

Innihald: Steikt brokkolini og pak choi með feykir osti

1 Pakning brokkolini
1 Pakning pak choi
2 Msk hvítvíns edik
Sítrónu zest af hálfri sítrónu
Feykir ostur

Pak Choi og brokkolini er steikt á pönnu í sitthvoru lagi þangað til eldað.
Síðan í skál er ediki og sítrónu bætt við, síðan toppað með nóg af rifnum feykir osti

Aðferð

Núðlur með nautakjöti, brokkolíi og teriyaki ostrusósu

Mon, 16 Jun 2025 21:06:36 GMT

Núðlur með nautakjöti, brokkolíi og teriyaki ostrusósu

Hentar því sérstaklega vel fyrir alla fjölskylduna

Það er svo einfalt og gott að gera heimagerða núðlurétti en því miður vill það oftast gleymast á mínu heimili. Rétturinn er alls ekki sterkur og hentar því sérstaklega vel fyrir alla fjölskylduna. Ég notaði nautgripaþynnurnar frá Kjarnafæði en það er alveg ótrúlega næs að eiga þær til í frysti og grípa í og nota í svona rétti. Kjötið er meyrt og gott og engin þörf á því að snyrta það eitthvað áður. Það er hægt að nota í raun hvaða grænmeti sem er, bæta við engifer eða chili fyrir sterkara bragð og leika sér með tegundir af núðlum og sósum.

Innihald

1 pakkning Nautagripaþynnur frá Kjarnafæði (450-500g)
1 msk. olía
2 hvítlauksgeirar
Brokkolí eftir smekk, ég notaði ca. 1/3 af stórum haus
½ rauð paprika skorin í bita
2 vorlaukar fínt saxaðir
150ml teriyakisósa
4 msk. ostrusósa
1 msk.fiskisósa
1-2 msk. sojasósa
1 msk. hrísgrjónaedik
3 msk. vatn
Hálfur pakki hrísgrjónanúðlur
1 msk. ristuð sesamfræ

Saxið hvítlaukinn smátt, skerið brokkolíið, paprikuna og vorlaukinn og setjið til hliðar.
Setjið vatn í meðalstóran pott og leyfið suðunni að koma upp.
Hitið olíuna á pönnu og steikið nautakjötið á háum hita.
Bætið grænmetinu út á og setjið teriyakisósu, ostrusósu, fiskisósu, sojasósu, hrísgrjónaedik og vatn út á. Látið malla í 5 mín.
Setjið núðlurnar út í vatnið og látið sjóða í 3 mínútur.
Hellið vatninu af núðlunum og setjið nautakjötið og grænmetið yfir ásamt sósunni.
Berið strax fram.

Aðferð

Grillaðar lambakótilettur með grilluðum sætum kartöflum og rauðlauk

Mon, 16 Jun 2025 20:59:31 GMT

Grillaðar lambakótilettur með grilluðum sætum kartöflum og rauðlauk

Borið fram með hýðishrísgrjónum og mið-austurlenskri jógúrtsósu - Skammtur fyrir fjóra.

Íslenska lambakjötið er best og það þarf ekkert að rökræða það frekar. Það er hægt að leika sér með það og matreiða það á ótal vegu. Ég hef alltaf verið veik fyrir grilluðu lambakjöti en þá verður að grilla það snöggt á blússheitu grillinu svo það ofeldist ekki. Mig langaði í eitthvað aðeins öðruvísi en þetta venjulega og ákvað að henda í uppáhalds jógúrtsósuna mína og bera kjötið fram með henni ásamt grilluðum sætum kartöflum, rauðlauk og hýðishrísgrjónum. Rétti á borð við þennan er hægt að panta á einhverjum veitingastöðum en mér finnst alltaf best að útbúa þetta heima. Næst þegar þið ætlið að skella kótilettum á grillið mæli ég með því að þið prófið þessa útgáfu!

Innihald

2 pakkningar af lambakótilettum í suðrænni marineringu frá Kjarnafæði
1 stór sæt kartafla eða 2 minni
2 stórir rauðlaukar eða 4 minni
3-4 msk. ólífuolía
Soðin hýðishrísgrjón, uppskrift og aðferð fylgir
Jógúrtsósa, uppskrift og aðferð fylgir
Salt og pipar eftir smekk

Takið kjötið úr kælinum og færið á disk. Útbúið sósuna og setjið hrísgrjónin yfir.
Flysjið sætu kartöflurnar og skerið þær í 1 cm breiðar sneiðar. Leggið á stóran disk, bleytið eldhúspappírbréf og vindið aðeins og leggið yfir sneiðarnar. Hitið í örbylgjuofni á hæsta styrk. Passið ykkur bara á því að taka diskinn úr örbylgjuofninum með ofnhönskum, hann verður mjög heitur! Með þessari aðferð tekur enga stund að grilla sætu kartöflurnar.
Flysjið rauðlaukinn og skerið í báta en skiljið rótina eftir svo laukurinn detti ekki í sundur. Penslið laukinn og sætu kartöflurnar með ólífuolíu og saltið með sjávarsalti.
Hitið grillið vel eða alveg upp í 250° - 300°C. Setjið sætu kartöflurnar og laukinn á grillið. Þegar grænmetið er tilbúið að á annarri hliðinni snúið þeim þá við og setjið kjötið á grillið. Aðeins 2-3 mín. á hvorri hlið nægir.
Berið fram með hrísgrjónunum, sætum kartöflum, rauðlauknum og jógúrtsósunni.

Aðferð

Mið-austurlensk jógúrtsósa

Innihald

1 lítil dós hrein jógúrt (170g)
2 msk. tahini
¼ tsk. salt
¼ tsk. svartur pipar
2 hvítlauksrif marin
1 msk. ferskt kóríander, saxað
1 msk. fersk steinselja, söxuð
½ tsk. þurrkað dill

Setjið allt saman í skál og hrærið. Leyfið aðeins að taka sig í kæli áður en sósan er borin fram.

Aðferð

Soðin hýðishrísgrjón

Innihald

1 bolli hýðishrísgrjón
2 og ¼ bolli vatn
½ tsk. salt

Skolið hrísgrjónin og setjið þau í pott með vatninu, setjið lok á pottinn. Látið suðuna koma upp, lækkið alveg niður í nánast lægsta hita (ég er með span, er með 4-5 af 14) hrærið aðeins í hrísgrjónunum og setjið lokið aftur á. Án þess að opna pottinn sjóðið grjónin í 40 mín og slökkvið þá undir pottinum og leyfið þeim að standa í 10 mín. Með þessari aðferð fáið þið fullkomin hrísgrjón sem eru ekki klesst og festast ekki í botninum á pottinum.

Aðferð

Kolagrillað lamba prime með grísku salati og myntu chimichurri

Mon, 16 Jun 2025 20:51:50 GMT

Kolagrillað lamba prime með grísku salati og myntu chimichurri

Fallegt á borði og upplagt að bera fram í matarboðunum í sumar

Lamba prime-ið frá Norðlenska er alveg framúrskarandi gott, lungamjúkt og hvítlauks og rósmarín marineringin passar sérlega vel við ferskt salat með ólífum, feta, rauðlauk, tómötum og agúrku ásamt myntu chimichurri gerir þessa máltíð að þvílíkri bragðsprengju. Fallegt á borði og upplagt að bera fram í matarboðunum í sumar.

Innihald

2 pakkningar Norðlenska lambaprime í hvítlauks og rósmarín marineringu, um 900-1000g.
1 poki veislusalat eða önnur salatblanda eftir smekk
1/2 poki klettasalat
1 box kokkteil tómatar skornir í tvennt
1/2 agúrka skorin í bita
1/4 rauðlaukur skorinn í þunnar sneiðar
20 svartar ólífur skornar í tvennt
1 krukka fetaostur eftir smekk

Takið kjötið úr kæli, helst með 30 mín fyrirvara. Undirbúið kolagrillið, kveikið undir og látið grillið ná upp í mikinn hita, helst 300°C.
Undirbúið chimichurri sósuna samkvæmt leiðbeiningunum.
Grillið lambaprime bitana þar til þeir ná ca. 55°C kjarnhita. Takið af grillinu og látið hvíla á meðan salatið er útbúið.
Skerið lambið í þunnar sneiðar, raðið á bretti og dreifið chimichurri sósunni yfir og berið restina fram með í skál.

Aðferð

Myntu Chimichurri - Innihald

Fersk steinselja án stilka, magn á við hnefa (ca. hálfur poki)
Fersk mynta án stilka, magn á við hnefa (ca. hálf pakkning)
2 hvítlauksif skorin gróft
1 dl góð ólífuolía
2 msk rauðvínsedik
1/2 tsk chiliflögur
1 tsk sjávarsalt (alls ekki nota venjulegt borðsalt)
1/4 rauðlaukur skorinn mjög smátt

Setjið allt nema rauðlaukinn í matvinnsluvél og látið hana vinna maukið smátt. Setjið svo rauðlaukinn saman við og berið fram með lambinu.

Aðferð

Grillað lambaprime með gremolata aioli og stökkum kartöfluteningum

Wed, 28 May 2025 22:19:26 GMT

Grillað lambaprime með gremolata aioli og stökkum kartöfluteningum

Fljótleg en sparileg máltíð

Það er fátt sumarlegra en góð grillsteik með bragðmikilli sósu. Hér para ég saman lungamjúkt lamba prime með hvítlauks og rósmarín marineríngu sem er grillað og gremolata aioli – sem er frískleg og einföld sósa gerð úr majónesi, sítrónu, steinselju og hvítlauk sem sameinar mýkt aioli og ferskleika gremolata. Kartöfluteningarnir eru bakaðir með kryddum og hvítlauksolíu og passa fullkomlega með bæði kjötinu og sósunni. Fljótleg en sparileg máltíð sem hentar bæði í sumarmatarboðin og á fallegu sumarkvöldi heima við.

4 stk. lamba prime frá Norðlenska
Salt og nýmalaður svartur pipar

Innihald

500g kartöflur, skornar í teninga
1 msk. hvítlauksolía
1 tsk. laukduft
1 tsk. paprikuduft
Salt eftir smekk

Kartöfluteningar

Gremolata aioli sósa

120g majónes
2 hvítlauksrif
1 lúka fersk steinselja, um 4-5 msk.
Rifinn sítrónubörkur af 1 sítrónu
Safi úr ½ sítrónu
Salt og pipar

Takið kjötið úr kæli ca. 45 mín áður en þið ætlið að grilla það. Kveikið upp í grillinu og leyfið því að ná góðum hita.
Útbúið gremolata aioli með því að setja öll hráefnin í litla matvinnsluvél og geymið í kæli.
Það er gott að útbúa kartöflurnar á meðan kjötið bíður. Skerið þær í litla bita og setjið í skál. Dreifið hvítlauksolíunni yfir og hristið saman. Stráið kryddum yfir og blandið vel saman við kartöflurnar. Bakið þær í airfryer í 15 mín á 200° eða bakaraofni með blæstri á sama hita en tíminn er talsvert lengri þar eða um 30 mín.
Setjið lamba prime stykkin á mitt grillið og haldið grillinu í 250°C með minni hita beint undir kjötinu. Grillið þar til kjarnhiti nær 58°C. Takið það þá af og leyfið að hvíla í 10 mín.
Berið fram með kartöfluteningunum, gremolata aioli sósunni, fersku salati og jafnvel silkimjúku rauðvíni.

Aðferð

Mexíkósk grillpysluveisla

Wed, 28 May 2025 22:19:22 GMT

Mexíkósk grillpysluveisla

Litríkt, skemmtilegt og alveg ótrúlega gott

Ef hefðbundnar grillaðar pylsur eru farnar að verða þreyttar þá er þessi mexíkóska grillveisla akkúrat það sem þú þarft til þess að hrista upp í pylsumálum. Hér fá bragðmiklar Mexíkó og Chilli Cheddar pylsur að njóta sín í litlum taco kökum, ásamt fersku grænmeti, sýrðum rjóma og bræddum osti. Pylsurnar eru grillaðar á teinum til að gera eldunina einfaldari og stemninguna aðeins skemmtilegri – þetta er einfaldur réttur sem allir í fjölskyldunni elska! Litríkt, skemmtilegt og alveg ótrúlega gott.

Innihald

1 pk. Mexíkó smápylsur frá Kjarnafæði
1 pk. Chilli Cheddar pylsur frá Kjarnafæði
1-2 pk. Litlar taco kökur
½ rauð paprika
½ græn paprika
½ rauðlaukur
Kokkteiltómatar
Iceberg
Sýrður rjómi
Rifinn ostur

Byrjið á því að hita grillið.
Raðið pylsunum á tvo grillteina þannig að hver pylsa fer þvert á teinana. Það er hægt að raða tegundunum til skiptis eða hafa sitthvora tegundina á teinunum, allt eftir smekk.
Skerið grænmetið smátt og geymið til hliðar. Hér væri snjallt að leggja á borð og setja sósurnar og drykki á borðið.
Setjið teinana með pylsunum á grillbakka ásamt, smávegis af rifnum osti og taco kökum og farið með þetta að grillinu.
Grillið pylsurnar þar til þær fá fallega grillrönd og heitar í gegn. Þegar þær eru alveg að verða tilbúnar, stráið þá rifnum osti yfir þær.
Hitið taco kökurnar þegar pylsurnar eru að verða klárar.
Setjið sósur og grænmeti eftir smekk á taco kökurnar og setjið pylsurnar ofan á.

Aðferð

Eldbakaðar súrdeigspítsur með litlu pepperóní, skinku, rauðlauk og chili-hunangi

Wed, 28 May 2025 16:44:04 GMT

Eldbakaðar súrdeigspítsur með litlu pepperóní, skinku, rauðlauk og chili-hunangi

Klassísk pizza á einfaldan hátt

Ef þú ert ein/n þeirra fjölmörgu sem átt pítsuofn þá mæli ég með þessum! Þegar þú ert þar að auki með gott súrdeigsdeig og rétt álegg er lítið mál að búa til pítsur sem keppa við þær allra bestu á veitingastöðum. Hér erum við með klassíska samsetningu sem er okkar allra uppáhalds: pepperóní, skinka, ferskur mozzarella og rauðlaukur.

Punkturinn yfir i-ið er svo chili hunangið – sem dreypt er yfir heita pítsuna þegar hún kemur úr ofninum. Sósan er úr niðursoðnum tómötum og sjávarsalti og er að mínu mati besta pítsusósa sem til er. Krakkarnir fá svo alltaf sína pítsu sem er bara með pepperóní og osti - fullkomið pítsukvöld þar sem allir fá eitthvað fyrir sinn snúð… eða pítsu!

Innihald

4 kúlur súrdeigspítsudeig
1 dós niðursoðnir tómatar
½ tsk. sjávarsalt
Pizzuostur, magn eftir smekk
Ferskur mozzarella, magn eftir smekk
1 pk. Lítið pepperóní frá Kjarnafæði
1 pk. Pepperóní frá Kjarnafæði
1 pk. Pizzuskinka frá Kjarnafæði
½ rauðlaukur, smátt saxaður
Chili hunang – keypt eða heimagert, magn eftir smekk

Hitið pítsuofninn upp í hámarkshita.
Setjið niðursoðnu tómatana í sigti og látið vatnið renna af þeim í 10-15 mín.
Hellið þá tómötunum í skál og setjið sjávarsalt saman við. Kreistið þá með hreinum höndum þar til þeir verða vel maukaðir. Ég mæli ekki með því að gera þetta í blandara því áferðin og bragðið verður ekki það sama.
Skerið skinkuna og í litla bita og rauðlaukinn smátt. Látið vatnið renna af mozzarella ostinum og kreistið létt í eldhúsbréfi.
Fletjið út pítsudeig og með hröðum höndum smyrjið það með sósunni, stráið því næst osti yfir, klípið bita af mozzarella kúlunni þar yfir, stráið þá pepperóníi, skinku og rauðlauk yfir ostinn. Færið pítsuna upp á pítsuspaða og bakið í pítsaofninum þar til ykkur finnst hún verða tilbúin.
Dreifið chili hunangi yfir heita pítsuna.
Ég geri svo alltaf pepperónípítsur fyrir krakkana sem vilja ekki flækja hlutina neitt. Bara ostur og pepperóní og þau verða alsæl!

kjarnafaedi

Ágúst og Elínborg nýsveinar í kjötiðn fá viðukenningu fyrir góðan námsárangur

Ágúst og Elínborg nýsveinar í kjötiðn fá viðukenningu fyrir góðan námsárangur

Sígild uppskrift: Saltkjöt og baunir á sprengidaginn

Sígild uppskrift: Saltkjöt og baunir á sprengidaginn

Saltkjöt og baunir, túkall! ﻿

Innihald

Aðferð

Steiktar kjötfarsbollur með brúnni sósu

Steiktar kjötfarsbollur með brúnni sósu

Bolla, bolla, bolla!

Innihald

Aðferð

Brún sósa

Aðferð

Sveitabjúgu með uppstúf, kartöflum og grænum baunum

Sveitabjúgu með uppstúf, kartöflum og grænum baunum

Nostalgían mætir hversdagsleikanum

Innihald

Aðferð

Uppstúfur

Aðferð

Saltkjöt og baunir unaðslegur klassíker á sprengidaginn

Saltkjöt og baunir unaðslegur klassíker á sprengidaginn

Seðjandi réttur sem yljar bæði maga og sál.

Innihald

Aðferð

Súpa

Aðferð

Húskarla hangikjötspinni

Kjarnafæði - Húskarla hangikjötspinni

Innihald

Aðferð

Hangikjöts tartar

Kjarnafæði - Hangikjöts tartar

Innihald

Aðferð

Bláberjapaté fyrir ostabakkann

Kjarnafæði - Bláberjapaté fyrir ostabakkann

Innihald

Aðferð

Bláberjapate

Kjarnafæði - Bláberjapate

Innihald

Aðferð

Jóla bruchetta

Kjarnafæði - Jóla bruchetta með gröfnu nauti

Innihald

Aðferð

Grafið nautafille og Tindur á spjóti

Kjarnafæði - Grafið nautafille og Tindur á spjóti

Innihald

Aðferð

Lifrakæfumús og laufabrauð

Kjarnafæði - Lifrakæfumús og laufabrauð

Hátíðlegir munnbitar með lifrarkæfu, bláberjasultu og laufabrauði

Innihald fyrir lifrakæfumús

Aðferð

Innihald fyrir sýrðan perlulauk

Aðferð

Innihald fyrir sýrð bláber

Aðferð

Innihald fyrir Bakaða parmaskinku

Aðferð

Lifrakæfu ,,mini smörre"

Kjarnafæði - Lifrakæfu ,,Mini smörre"

Jól í hverjum bita – lifrarkæfa, beikon & rifsberjagel

Innihald fyrir lifrakæfumús

Aðferð

VIP ostakartöflur

VIP ostakartöflur

VIP ostakartöflur eru fullkomnar með jólamatnum

Innihald

Aðferð

Brandy sveppasósa

Brandy sveppasósa

Sveppasósan lyftir bæði steikinni og kartöflunum upp á æðra stig

Innihald

Aðferð

Kryddaður uppstúfur

Saltkjöt og baunir, túkall!

Fullkomin leið til að gera jólahrygginn enn hátíðlegri.