Mánaðartilboð

Íslensk Kjötsúpa

Innihald

  • 1 kg  Súpukjöt, lamba eða kinda. Einnig má nota lambagúllas!
  • 1,8 l Vatn 
  • 1 stk Laukur, saxaður 
  • 500 g Gulrófur 
  • 250 g Gulrætur 
  • 100 g Hvítkál 
  • 1 dl Hrísgrjón 
  • 2 msk  Hafragrjón 
  • Salt og pipar 


Aðferð

  1. Kjötið er sett í pott, vatninu hellt yfir og hitað að suðu. Froða fleytt ofan af.
  2. Lauk hrært saman við. Soðið í um 40 mínútur (ef kindasúpukjöt er notað, er bætt við 1 klst).
  3. Gulrófum, gulrótum, hvítkáli og hrísgrjónum bætt út í og soðið í 15 mínútur til viðbótar.
  4. Hafragrjón sett út í og soðið í um 5 mínútur, eða þar til allt grænmetið er meyrt.
  5. Smakkað og bragðbætt með salti og pipar, ef þarf.
  6. Kjötið er ýmist borið fram í súpunni eða með henni á sérstöku fati.
  7. Ómissandi með góðri kjötsúpu er gott rúgbrauð.