Sous vide eldaða lambið frá okkur er fullelduð vara sem þarf einungis að hita áður en hún er borin fram. Þú getur hitað kjötið á grilli, í ofni, Air Fryer eða á pönnu – eftir því hvað hentar hverju sinni. Fljótlegt, þægilegt og einstaklega bragðgott.
Sous vide er eldunaraðferð þar sem matur er eldaður við lágt og jafnt hitastig í lengri tíma. Lambakjötið okkar er sett í loftþéttan poka og síðan eldað við nákvæmt hitastig, yfirleitt á bilinu 65°C–75°C, eftir því hvaða hluti lambsins er um að ræða.
Þessi aðferð tryggir jafna eldun í gegnum allt kjötið og hjálpar til við að halda bæði safa og bragði inni í kjötinu. Útkoman er meyrt og safaríkt lamb sem er tilbúið þegar þér hentar – án þess að þurfa að hafa áhyggjur af ofeldun.
Við mælum með að klára eldunina á grilli, pönnu eða í heitum ofni til að fá fallega steikta og bragðmikla skorpu utan á kjötinu á meðan kjötið helst mjúkt og jafnt eldað að innan.
