Kraftmikil svínakótiletta
Súrsætur, gerjaður rabbabarinn + appelsínan + fersku kryddjurtirnar eru það sem lyftir þessari annars kraftmiklu svínakótilettu. Ekki vera feimin við chimichurrið það á að vera nóg af því.
Fyrir kótiletturnar og kartöflurnar
- 4 svínakótilettur í suðrænni kryddblöndu frá Kjarnafæði
- 20 kartöflur, helst litlar sætar kartöflur
- Ólífuolía
- Salt
- Pipar
- 3 greinar rósmarín
- 3 hvítlauksgeirar, létt kramdir
Aðferð
- Hitið grillið vel áður en þið byrjið að elda.
- Undirbúið kartöflurnar.
Skerið kartöflurnar í tvennt. Setjið þær í eldfast mót með skurðinn niður og veltið upp úr góðri skvettu af ólífuolíu. Kryddið með salti og pipar. - Bætið rósmaríninu og léttkramdum hvítlauksgeirunum út í. Setjið kartöflurnar á grillið og lokið.
- Gerið chimichurri-sósuna.
- Grillið kótiletturnar.
Þegar kartöflurnar eru nánast tilbúnar fara svínakótiletturnar á heitt grillið. Grillið þær þar til þær eru fallega brúnaðar að utan og eldaðar í gegn, án þess að ofelda þær. - Berið fram.
Setjið kartöflurnar á stórt fat, leggið grillaðar kótiletturnar yfir og hellið ríkulega af rabbabara-chimichurri yfir kjötið. Berið fram með góðu, fersku salati.
Rabbabara-chimichurri
- 1 lítill stikill rabbabari, gerjaður í 2% saltpækli
- 3 grillaði hvítlauksgeirar (stelið frá kartöflunum)
- 1 búnt steinselja
- 1 góð handfylli mynta
- Börkur af 1 appelsínu
- Safi úr ½ appelsínu
- Ólífuolía, eftir smekk
- Salt og pipar eftir þörfum
Aðferð
- Setjið steinselju, myntu, ólífuolíu, appelsínubörk, grillaða hvítlaukinn frá kartöflunum og gerjaðan rabbabara í mortél og myljið saman þar til blandan verður að grófu, olíukenndu mauki.
- Bætið appelsínusafa saman við eftir smekk.
- Ef þið nennið ekki baráttunni við kryddjurtirnar og mortélið er matvinnsluvél alveg fullkomin leið.
- Ekki mauka sósuna of fínt – það er gott að hafa smá áferð.
Gerjaður rabbabari
Best er að undirbúa rabbabarann um viku áður.
Skerið rabbabarann í bita og setjið í 2% saltpækil. Það er 2% salt miðað við samanlagða þyngd vatns og rabbabara. Geymið við stofuhita og leyfið honum að gerjast í um viku.
Látið rabbabarann „ropa“ einu sinni á dag með því að losa aðeins um loftið í ílátinu. Þegar hann er orðinn hæfilega súr og bragðgóður er hann tilbúinn.
